Naše rjemjesło

Naše rjemjesło je naše wuměłstwo.

Wuměłstwo njewobsteji jenož z toho, zo zhotowjamy sćerpnje a swědomiće indiwiduelne, jónkrótne wudźěłki. Rjemjesło Wjenkec blidarnje je nimo toho wuznamne za region, dokelž přisporjeja naše posłužby žiwjensku kwalitu a atraktiwnosć.

Zo bychmy swojim narokam wotpowědowali, njetrjebamy jenož šěroki a wotměnjaty spektrum posłužbow, ale dyrbimy tute tež fachowje bjezporočnje wuwjesć. To rěka, zo restawrujemy resp. zhotowjamy kredency a sideboardy, polcy a kamorowe sćěny, kawčowe a jědźne blida, (tež: róžkowe) ławki, kuchinske meble a dźěłowe platy, drastowe a zatwarjene kamory, łoža, meble za składowanje, meble do wochěže a garderoby, sawny a kupjelnje, za terasy, zahrodki a na balkon.

Dokelž chcemy tež nadal na naše nazhonjenja na polu sakralnych twarow natwarjeć, orientuja so naše restawrowanja a wudźěłki na durjach, klětkach, kapałkach, wołtarjach, chórach abo křižach. Rady damy so wužadać, hdyž hdźe wo restawrowanje cyrkwje, hrodow abo wilow abo wo zhotowjenje jónkrótnych wudźěłkow.
Jenož tak móžeše sej Wjenkec blidarnja w běhu wjace hač wosom lětdźesatkow njeličomne referency a nahladnosć zdobyć.

Wosebity wuznam ma při tym kóždy jednotliwy nadawk – dźěłamy indiwiduelnje na najwyšim niwowje. Narok nadawkidawarja je tež naš narok. Njetwarimy jenož wobstajnje, ale tež trajnje. Naša priorita je, zo wužiwamy přirodne twaršćizny a srědki a wzdamy so hdźežkuli móžno kumštnych přidatkow. Njedźěłamy jenož po Wašim naroku, ale wosebje za přichod.

Restawrowanje woznamjenja originalnosć. Runje tak kaž rjemjeslniska dokonjanosć Wjenkec blidarnje.